Hubilaria Janine Quandt a wordo honra na Colegio EPI

ORANJESTAD (AAN): Siman pasa na Colegio EPI, a recorda e hecho cu diescinco aña pasa e docente Janine Quandt a drenta den servicio.

   Cu e ceremonia chikito special aki, a pone spotlight riba juffrouw Quandt pa su empuhe den educacion na Aruba.  Pues e ta celebrando awo su di 15 aña como docente di enfermeria y trahando na unit Salubridad & Servicio di Colegio EPI.  

  Na e ocasion aki, el a ricibi hopi felicitacion di demas docente, staf y persona di Colegio EPI, y tambe di studiantenan.

   Danki enorme na Janine Quandt pa su contribucion na educacion di Aruba.