Hubert Tiel di DIARIO a haya reconocimento di Gobierno durante celebracion di Dia di Prensa

ORANJESTAD (AAN):  Durante e encuentro cu Prensa diadomingo 3 di September, Gabinete Wever-Croes a reconoce colega di DIARIO, Hubert Tiel

como un miembro di prensa ehemplar den nos comunidad y como muestra di aprecio y gradicimento pa ta e miembro di prensa di Aruba cu mas a asisti na conferencianan di prensa di Gobierno di Aruba.

            Hubert Tiel tin un total 21 aña den Prensa. Bon Dia Aruba tabata e prome prensa unda cu Hubert Tiel a traha. Despues el a traha como partido di Aruba Daily y despues a drenta como reportero-fotografo di Diario.

             Tiel tin un anecdota hopi chistoso pero real cu por pasa den bida diario di un periodista. E anecdota ta bisa asina: Tabata un marduga, cu awacero torencial a cuminsa cay pisa na Aruba. Y na Playa e nivel di awa di Rooi Manonchi den Caya Betico Croes a subi bay te riba caminda. Net e ora ey un dama hoben Hulandes Europeo a tribi pasa cu su auto, y e rooi fuerte a pusha e auto cu e dama for di caminda y cay den rooi.

            E rooi cu su coriente fuerte a keda pusha e auto y e dama bay rumbo pa e brug cu tin den Avenida Milio Croes, net pariba di Banco di Caribe den Vondellaan. Tiel a yega eynan, y a bin mira cu e auto cu e dama a keda pega net bao di di e brug. Hubert, cu yudansa di Piet Martinus (di Piet Snack Truck) cu pa casualidad a pasa eybanda, a yuda saca e dama y papa muha nan a pone bay sinta den Truck di Piet pa no muha mas den e awacero.

            Piet tabatin un boter chikito di licor fuerte, y a duna e dama un cup pa e bebe pa kita e spanto.  Anto Señor Tiel a yega, y puntra e dama: "Señora, bo kier bende mi e auto ey?"

Y Tiel a cumpra e auto eynan mes.

            Prome Minister Evelyn Wever-Croes, den nomber di Gobierno di Aruba ta gradici Señor Hubert Tiel pa tur trabou cu e ta haci pa y den nos comunidad. Danki.