Hotel Barceló cu fiesta grandi y bon mereci pa su trahadornan

ORANJESTAD (AAN) – Hotel Barceló a organiza un Dia di Famia, pa su empleadonan.

            E directora di Recurso Humano, hunto cu e director di Mantenimento ta organiza e evento aki, pa e trahadornan y nan famia tur aña, pero despues di 2019, cu a surgi e pandemia di Covid-19 nan no a hacie mas, y aworaki nan a sinti cu esaki ta e momento pa bolbe haci’e.

            Directora di Recurso Humano a declara cu nan trahadornan ta hende hopi balente y nan merece pa haci un fiesta asina grandi pa nan. E fiesta a cuminza 10 or di mainta te cu 5’or di atardi. Tabata tin bon cuminda, bebida, entretenimento aquatico pa mucha, entretenimento pa adulto, y berdaderamente nan a disfruta den famia.