Francis Quandt, Hefe di Departamento di keur di DTI
ORANJESTAD (AAN): Francis Quandt, Hefe di Departamento di keur di DTI, a indica cu tin lugarnan riba e lista Vuurwerk Commissie, pa e trekker y chasis por pasa keur na DTI. Pa Carnaval tambe tin algun lugar habri pa por keur chasis y trailernan cu ta bay ta den e paradanan.
Quandt ta urgi esnan cu mester pasa keur, pa haci esaki mas lihe posibel. Pa carnaval si tin un distincion pasobra e chasis sin e construccion riba dje, esaki por tin un construccion riba dje, pero no por ta mas halto cu 4.20 meter, y hanchura 2.60 meter, mas cu esaki e ta afgekeurd di biaha. Ta preferibel pa cuminsa keur na November y December cu laga esaki te temporada cuminsa.
Quandt a splica cu aña pasa tabatin un bruhamento, pasobra tin un diferencia entre trailer y chasis, cu ta esun abao cu carnavalistanan ta traha algo riba dje. Por bin cu algo traha riba dje caba, pero esaki mester ta na midi, si e ta surpasa e tamaño permiti, esaki no ta wordo gekeurd.
