Mike Eman ta Notario y mester conoce leynan di tereno y propiedad --- *DIARIO ta tira Ley di Contabilidad riba mesa pa defende Aruba --- *Mitar BBO, proyectonan PPS y Citgo a destrui futuro di Arubiano
ORANJESTAD (AAN) — Un guera mundial ta loke tin mundo den su gara. Stabilidad mundial ta basha abou y expertonan mundial ta adverti pa sigur paisnan mas chikito tene na consideracion cu planeta tera ta topa cu un epoca sumamente dificil.
For di inicio di Siglo 21, mundo a wordo confronta cu problema y mas problema, cu a cera porta pa politikeria y a exigi politica di calidad di parti di politiconan sigur ora e recesion mundial a presenta casi directamente na cambio di siglo.
Entrada di Siglo 21 tabata uno di e momentonan di responsabilidad politico grandi, cu manera historia di Siglo 21 ta indica, sigur no tabata parti di e pakete di Mike Eman.
Ora papia di Mike Eman, ta papia di un homber cu conoce ley, un homber cu ta conseha su clientenan riba asunto di tereno, di transaccion di placa y defensa di interes di un hende, un negoshi of un pais.
Mike Eman como Notario lo a permiti un cliente firma un acuerdo segun cual e lo a perde mitar di su entrada?
E pregunta cu nos mester lansa awe cu den un crisis mundial, Aruba ta wordo directamente confronta cu calamidad cu a wordo crea dor di e maneho di Mike Eman cu conscientemente, a destrui bienestar di Aruba y di e Arubiano.
Mike Eman a conkista curazon di e votador Arubano, cu e promesa cu e ta deshaci di mitar di BBO, loke ta nifica mitar di placa di belasting cu Aruba tabata ricibi den un tempo di crisis mundial.
Documentonan ta duna prueba cu e base di Mike Eman pa introduci e cambionan aki, ta ridiculo. No tabata tin estudio cu por a spera pa desgracia emtrada di un pais.
Pero Mike a gana eleccion na 2009, Aruba a cuminsa paga menos BBO, pa awe Aruba ta den desastre financiero total pa motibo di e prolongacion di obranan di Mike, cu a bini cu proyectonan PPS pa no papia mes di Citgo den cuadro di su campaña pa un Aruba Berde, cu ademas di tin color di su partido lo mester a proteha naturalesa.
E shownan continuo di Mike a haci cu hasta ora Hulanda a defende interes di Aruba, un grupo grandi a bay sostene Mike den huelga di hamber y ambulance a wordo paga cu placa di Pueblo pa asina evita cu Mike ta muri di hamber, cu e mes tabata kier.
Asina ta yega na e sector di cuido medico, di e proyecto di hospital cu Mike a hinca den e totalidad di “Bo Aruba”, cu a bay contra tur ley di bon gobernacion.
Awe Hospital di Aruba ta prueba con Mike Eman casi a logra zink Aruba.
Awe Aruba ta haya prueba kico ta un hospital di “cinco strea”, cu ta costa Aruba pa decadanan placa sin cu e por sirbi e bienestar democratico di e Arubiano.
Hospital di Aruba, den un pandemia cu a exigi bida di Arubianonan tambe, ta na disputa pasobra e informacionnan cu ta alcansa DIARIO ta duna prueba cu e proyecto di hospital di Mike, no ta honra e loke Salubridad Publico ta exigi.
E Hospital di Aruba, ta splica awe cu contra tur regla, a introduci e proyecto hospital, cu a keda pega.
Awe den seno di Parlamento di Aruba mester duna inicio na investigacionnan pa Pueblo haya informacion kico a pasa cu e proyecto cu ta determina salud di Pueblo di Aruba.
DIARIO ta tira e Ley di Contabilidad riba mesa pa demostra con wega politico a vence riba bienestar di Pueblo den e proyecto Hospital y cu tur nos conocemento di e ley aki, di exigencianan di Salud Publico pa e Pueblo, cu asistencia local y internacional, nos ta sigui vigila e culminacion di abuso di un Pueblo cu ta hancra den 1.6 Biyon, cu awe Aruba mester pa confronta un futuro den un Pandemia combina cu un crisis mundial.
Palabra ta keda na Parlamento, cu na prome lugar ta representante di Pueblo pa defende bon gobernacion, moral y bienestar di tur ciudadano cu mester por confia cu decisionnan di politiconan ta pa defende nan bida, loke sigur no a pasa den realisacion di e proyecto Hospital cu por considera un abuso politico contra Aruba.
