ORANJESTAD (AAN): E fin di siman di boluntarismo a conoce hopi hende riba pia pa duna un man.
Diasabra tabata un dia di hopi entusiasmo y bon animo, pa club di futbol Atletico Santa Fe, cu a forma parti den Aruba Doet den su celebracion di 10 aña.
Cu Elizabeth Johnson como project leider pa ASF, hunto cu boardmembers Michella Lacle, Suzy Wong, Angelique Wout, varios mayor- y hungadornan di e club di futbol, mas e apoyo di demas boluntarionan Kirklees College Foundation, soccer club di Inglatera, y hoben di National Honors Society di ISA, a logra haci varios trabao di drechamento, verf y limpieza pa asina upgrade e veld di ASF na Pavia.
Ademas nos voluntario nan a chapi full rond di e veld, piki tur sushi, limpia den container, verf container y tribune y tambe marca veld.
Nan a logra pone borchinan di plywood cu nomber di e club cu ta cumpli 60 aña di existencia. Esaki a ser patrocina pa Me. Groenewege di Via Verde Development.
Un super danki di curazon na tur esnan cu a yuda nos club Atletico Santa Fe y na tur voluntario cu ta hopi pa menciona . You are the best Lions! Via Verde Development, Mido Restaurant, Robby Solognier, Re/Max, Palmera Quality Products PQP, J. Geerman, y J. Roos.
Atletico Santa Fe ta gradici CEDE Aruba pa e oportunidad y pa sigui stimula comunidad cu desarollo y mehoramento di e pais Aruba.
https://diario.aw/categories/noticia/general/hopi-yudanza-di-aruba-doet-pa-veld-di-atletico-santa-fe#sigProId7a3996b234
