ORANJESTAD (AAN): Paradise Beach Villas a celebra dia Internacional di Hende Muhe cu tur e damanan di Paradise dia 8 di Maart.
E aña aki, Señora Kimberly Maduro di Self-Love Movement Aruba a wordo invita pa presenta un workshop di Amor Propio. Tabata un atardi exitoso caminda tur esan cu atende e workshop aki, a educa y concientisa tocante con pa cultiva amor propio den nan bida diario.
Atraves di informacion simple, ehempelnan practico y tambe ehercicionan interactivo, tur esnan presente a concientisa di e importancia de e topico aki pa nan mes como persona, hende muhe y trahado. E atardi a wordo clausura cu un ehercicio creativo caminda cu cada un di e hende muhenan presente a skirbi un promesa na nan mes relata na amor propio y cuido propio y a finalisa esaki hincando den forma di un mini “Vision Board” pa asina keda corda y traha diariamente riba e promesa aki haci na nan mes.
Danki na Paradise Beach Villas, Activities Comite y Recurso Humano para e bunita y exitoso actividad aki.
