Hopi sushi y desperdicio marino ta wordo colecta den areanan protegi terestre banda di costa

Aruba National Park Foundation mustrando:

ORANJESTAD (AAN): Aruba National Park Foundation, pa medio di un publicacion cu nan a haci riba nan Facebook Page a mustra con serio e situacion pa loke ta e cantidad di sushi den e areanan protegi. Nan a skirbi: "Nos rangersnan frecuentemente ta colecta sushi den nos areanan protegi terestre y desperdicio marino banda di nos costa.

Esaki ta un actividad continuo y extensivo di sushinan no solamente local pero tambe di islanan bisiña y paisnan lehano.

Desperdicio ta un problematica mundial pa conservacion di naturalesa y ta rekeri manehonan apropia di medio ambiente pa combati esaki. Como un bishitante di Aruba su naturalesa por fabor reduci bo impacto y hiba bo sushi – y di otro – cas y deshaci di esaki den un manera responsabel". A yega ora pa cuminsa bira mas consciente y proteha mas e naturalesa.

Potretnan: Facebook Page Aruba National Park Foundation