Hopi interesante tabata e presentacion tocante Papiamento y e lenga di Cabo Verde presenta pa Ange Jessurun

ORANJESTAD (AAN):  Den cuadro di celebracion di Dia di Derecho di Autor, na Biblioteca Nacional Aruba a tuma lugar un actividad special.

Sr. Mirto Lacle, linguista y gestor cultural, co-organisador di e anochi aki a duna di conoce cu e nomber di e actividad tabata 'Faya Lobi: ta 200 aña di amor ferviente den diaspora'.

            El a splica cu Ange Jessurun a skirbi e buki aki na Papiamento, mientras cu e prome tabata na Hulandes. E buki aki el a bin pa comparti riba e dia aki. Banda di esaki mester menciona cu dos luna pasa Sra. Jessurun tabata na Cabo Verde, unda el a bay pa duna un charla tocante Papiamento di Corsou, Aruba y Boneiro, pero specialmente loke ta relaciona e dos idiomanan aki.

            Tambe Sr. Lacle a haci un recorido historico di loke tabata comercio den temponan di sclavitud, otro lenganan crioyo y banda di esaki a duna un bista di loke ta e lenga di Cabo Verde.

            E actividad por a mira tabata basta bon atendi. Un sala di biblioteca completamente yen y sigur un tema masha interesante pa comparti cu comunidad.