Hopi impresionante e presentacion di Leerorkest cu mas di 600 mucha

ORANJESTAD (AAN): E  concierto di Leerorkest Aruba a reuni e siman aki mas di 600 mucha di seis scol riba stage na Renaissance Convention Center.

E evento a mustra e poder di enseñansa y musica como tambe e talento extraordinario cu nos muchanan a desaroya durante e ultimo aña escolar.

   Actualmente, Leerorkest Aruba ta atende como 620 mucha den su programa escolar y aproximadamente 100 mucha adicional den su programa despues di scol, brindando acceso na les di musica na centenares di mucha na Aruba.

Prome Minister mr. Mike Eman hunto cu vice-premier mr. Gerlien Croes tabata presente durante e presentacion pa aprecia personalmente e resultado di e iniciativa educativo y cultural importante cu ta impactando nos muchanan na Aruba.  Aki por mira mas di e evento.