Hopi hoben a participa den 'Arte di Palabra Aruba 2023' den su di 15 edicion

ORANJESTAD (AAN):  Diadomingo dia 16 di april ultimo a tuma luga den Cas di Cultura e di 15 edicion di Arte di Palabra (AdP) Aruba,

Competencia Literario na Papiamento pa alumno di scol secundario. Arte di Palabra ta ser organisa y subsidia pa Departamento di Cultura Aruba (DCA) y sosteni pa Fundacion Corector di Papiamento (FCP).

            Durante e competencia aki, 29 alumno di diferente scol avansa a participa cu sea un poema of cuenta cortico existente y/of original. Tambe e aña aki pa di prome biaha tabatin e categoria di Rap, di cual tabatin solamente un participante di EPB kende ta Sergio Garcia, cu a presenta un bunita composicion di su mes titula “Esclavo di mi libertad”. 

            Mester bisa cu den cuadro di 160 aña di abolisacion di sclavitud na juli venidero, alumnonan cu ta desea, por a scoge e tema di sclavitud. 

            Prome cu e competencia, e participantenan a ricibi tres tayer bou di direccion di Jhon Freddy Montoya, pa‘sina traha riba nan presentacion, articulacion, expresion y dominio di bos riba stage. 

            Scolnan cu a participa ta: Abraham de Veer School, Ceque College, San Antonio College, Colegio Nigel Matthew, Colegio San Augustin, EPI, EPB Sanicolas y John Wesley College. 

Despues di e competencia, por a disfruta di un tremendo show di baile presenta pa “No Image Dance Group” kende ta ganado di e competencia di Gang di Arte 2022, cu tambe ta un proyecto multidisciplinario pa hoben organisa pa DCA. 

            Despues di e presentacion di baile, ya e miembronan di hurado tabata tin e resultado cla y nos MC Rafael Garcia, kende a gana e competencia di AdP Aruba y ABC diferente biaha, a anuncia e finalista y ganadonan.  

            Dia 14 di juli venidero, ganadonan di AdP, lo representa Aruba den e competencia interinsular di ABC cu lo tuma luga e aña aki na Aruba.  

GANADORNAN COMPETENCIA ARTE DI PALABRA 2023   

Categoria A: Poesia Existente Klas 1-2                    

Lugar:    Nomber:                               Scol:                                 Obra:

     1        Khloe-Ann Lopez                  John Wesley College       Catib'i Shon

     2        Andreina Villamizar             EPB San Nicolas               Mi lenga

     3        Stacey Kelly                          Colegio San Antonio        Loke nos No ta papia

Categoria B: Poesia Original Klas 1-2                      

Lugar:    Nomber:                               Scol:                                 Obra:

     1        Georvin Angela                    Colegio Nigel Matthew   Mi amigo e shoco fiel

     2        Loubens Occean                  Abraham de Veer            Amor di mama

     3        Lishando Shann                    Abraham de Veer            Historia di Juan

Categoria C: Poesia Original Klas 3-6                      

Lugar:    Nomber:                               Scol:                                 Obra:

     1        Guizza Steenvoorde             Ceque College                 Lama e storia di bida

     2        Heily-Ann Giel                      Colegio EPI                      Traicion

     3        Genevan Maduro                 Colegio San Antonio        Derecho

Categoria D: Cuenta Existente Klas 1-2                  

Lugar:    Nomber:                               Scol:                                 Obra:

     1        Phillip-Johnson Martinus     Ceque College                 Compa Nanzi ta collectant na misa

     2        Elisha Ignacio                       Colegio San Antonio        Lucy kier renchi den nanishi

     3        Isabella Navarro                  John Wesley College       E Atake

Categoria E: Cuenta Original Klas 1-2                     

Lugar:    Nomber:                               Scol:                                 Obra:

     1        Eden Antersyn                      Abraham de Veer            Fifi e musca

     2        Isabella Posada-Arboleda    Ceque College                 Nunca, no rindi!

     3        Naykerine Matos                 Colegio San Antonio        Sin Joke

Categoria F: Cuenta Original Klas 3-6                     

Lugar:    Nomber:                               Scol:                                 Obra:

     1        Jason Wester                       Ceque College                 Ami ta musica

Categoria Rap:                      

Lugar:    Nomber:                               Scol:                                 Obra:

     1        Sergio Garcia                       EPB San Nicolas               Esclavo di mi libertad

Ganador Absoluto    

Nomber:                                             Scol:                                 Obra:

Eden Antersyn                                    Abraham de Veer            Fifi e musca