Hopi hende a participa den exitoso ‘Sunset Hike’ na Sero Colorado

ORANJESTAD (AAN): E tabata un bahada memorabel di solo.

   Den fin di siman cu a pasa, a tuma lugar e prome ‘Sunset Hike’ organiza pa Aruba Conservation Foundation, y a tuma lugar na Sero Colorado.

   E caminata aki a duna e participantenan e chens di explora e banda pariba di Aruba su costa. E caminata a pasa trankilamente den e area protegi unda cu hunto nan a goza di e bunitesa di Aruba su naturalesa amplifica pa e colornan cu a bahada di solo a duna nos.

   DIARIO a indica cu e tabata un atardi unda cu naturalesa a papia y e participantenan a scucha.  Fundacion ACF ta manda danki na tur hende cu a participa den e atardi special aki.