Hopi exitoso tabata campaña ‘Baki den Bario’ na Santa Cruz

ORANJESTAD (AAN): Riba Diasabra a tuma lugar net na e parkinglot di Stadion Nadi Croes/Crismo Angela na Rooi Bosal, e campaña di ‘Baki den Bario’ dirigi na distrito di Santa Cruz.

   E chauffeurnan a wordo instrui pa drenta prome banda panort di e Stadion, pasa pabao di dje, y despues yega banda pazuid unda e bakinan tabata poni.  Dado momento e rij tabata yega te na e cruzada y mas panort na Wendy’s Santa Cruz.

  Nan a pidi ciudadanonan pa trece desperdicio cu ta ‘green waste’, grofvuil, of articulonan electronico.  E desperdicio mester tabata separa di antemano, y e adres di e ciudadano mester ta di e distrito.

   Y manera por mira riba e potret aki, e tabata uno exitoso.  Tur hende a coopera pa asina yuda mantene nan bario, y nan isla limpi.  E campaña di ‘Baki den Bario’ lo sigui riba Diasabra 7 di October, na altura di Compleho Deportivo Frans Figaroa.