Hopi exitoso ‘Celebracion Cultural’ teni na Colegio San Augustin

ORANJESTAD (AAN): Recientemente docente- y alumnonan di Colegio San Augustin MAVO situa den Pastoor Hendrikstraat na San Nicolas, a tene nan ‘Celebracion Cultural’ riba un Diabierna anochi.

   Esaki tabata den cuadro di e fiesta di Siman Cultural di Aruba.

   Specialmente pa e anochi aki, nan a invita e clientenan di Funari pa tey presente tambe na e actividad aki riba tereno di scol.  E anochi aki a bay combina cu show di baile, declamacion di poesia, y bendemento di cuminda y bebida, di cual tur a wordo prepara pa e alumnonan di scol mes.

   Un anochi rico na celebracion cultural cu a dura 3 ora largo.  Na final tur hende a keda feliz cu e anochi, y riba cara di e clientenan di Funari por a mira un sonrisa constante, indicativo cu nan a pasa bon tambe.