Hopi alumno a acudi na Open Dag na Colegio EPI

ORANJESTAD (AAN): Un cantidad grandi di futuro alumnonan di otro scolnan cu lo kier cuminza atende Colegio EPI pa aña escolar 2025-2026,

a acudi na Colegio EPI su dos anochi special di “Open Dag”.  E tabata solamente pa alumnonan cu ta aworaki den Examenklas na nan scol, of cu a gradua caba.

   E hecho cu tin 2 diferente fecha, ta depende ki rumbo e futuro alumno lo kier escoge.  Por ehemplo riba Diamars siman pasa, a atende e alumnonan cu kier bay den Unit Economia, tin e estudio di ‘Business”.  Si bo kier bay den Unit Ciencia y Tecnologia, tin e estudio di ICT, Bouwkunde, Elektrotechniek, y Mechatronica.

   Riba Diaranson a atende esnan cu kier bay den Unit Salubridad & Servicio, tin estudio di Zorg, Pedagogisch Werker.  Si bo kier bay den Unit Hospitalidad & Turismo, tin estudio di Cook, Hospitality, Travel & Leisure.

   Diferente docente, y hasta alumnonan activo na Colegio EPI, a pasa duna un man y yuda cu guia di e alumnonan aki pa contesta cualkier pregunta cu nan tabatin, fuera a yuda nan haci test tambe.  Tabatin hasta treat di pasaboca.