ORANJESTAD (AAN): Diabierna atardi, Directiva SMAC a tene nan prome reunion despues di Carnaval 71, cu e Raad van Toezicht di SMAC.
Aki nan a recap e temporada, trata algun punto y pensamento riba cambionan pa Carnaval 72. Tambe a delibera riba e reto na caminda pa bay organisa Carnaval 72 na 2026 den 5 siman si gobierno permiti.
Manera ta conoci, e Parada Grandi di Carnaval 72 na aña 2026 lo bay ta riba 15 di Februari.
Segun SMAC, si gobierno no permiti pa nan organiza esaki den 5 siman, e ora ta den 4 siman lo tin di haci esey, y pa awor caba SMAC ta kere cu lo ta impossible pa haci esaki. Pasobra si ta organiza Carnaval 72 den solamente 4 siman, e ora ta varios evento y Parada lo por cay afo. Pues esey lo bay ta e ‘kibra cabez’ pa proximo lunanan.
Na final, Directiva di SMAC a gradici Raad van Toezicht pa e tempo, confiansa y amor pa cu Carnaval. Danki pa confia y respalda e directiva den decision cu a tuma pa mehora e producto Carnaval.
