Honor na Nathaly laborando 15 aña na Do It Center

ORANJESTAD (AAN): Un momento di celebracion tabatin na Super Do It Center na Shaba, ora cu gerencia a honra Nathaly Kelly. 

Esaki ta relaciona cu e hecho cu diescinco aña pasa el a drenta den servicio di e compania.

   E ta diescinco aña di dedicacion, resiliencia, y excelencia.  Nathaly su trayectoria ta un recordatorio poderoso cu e exito no ta wordo construi den djis algun dia, sino via di añanan di pasion, teamwork, y un compromiso constant.  Bo esfuerzo a inspira tur esnan cu ta rond di bo, y bo legado ta sigui fortalece su mes cu cada paso cu bo tuma.  For di gerencia a ricibi un plaquette, y certificado, y e acostumbrado envelop.

   Pabien cu e fenomenal 15 aniversario, y cu bo lo por sigui logra hopi mas etapa bo dilanti.  A bay disfruta di dushi almuerzo na Olive Garden.