Hofi den Bario 60+ a ricibi gran yudanza di Aruba Doet

ORANJESTAD (AAN): Manera ta conoci, recientemente Cede Aruba den cooperacion cu Oranjefonds  a organiza e ya conosi Aruba Doet.

   Hulanda hunto cu e otro islanan den Caribe, ta organiza anualmente e evento mas grandi envolviendo voluntarionan.  Trabao voluntario ta trece satisfaccion sigur. No ta pornada  e lema di Aruba Doet ta: Haci bon y pasa bon.

   Fundacion Movemento Ta Bida den su prograna Hunto Grand, Grandi Hunto den su afan pa yuda tene nos 60 + nan activo,  tabata den preparacion di un proyecto, cual a worde yama: “Hofi den Bario 60+”.

   Esaki ta ensera cu un pida tereno lo worde apunta na un adulto mayor y E lo mester zorg pa mantencion di e mata cu worde planta. A logra haya un pida tereno pega cu Cas Shabururi y hunto cu algun voluntario a haci e tereno limpi y cuminsa cu e preparacionnan pa plantacion. E evento di Aruba Doet a tuma lugar net na e momento oportuno, caminda por a haci uso di mas voluntario.

   A toca e proyecto di Hunto Grandi, Grandi Hunto di FMTB e honor di tawatin Gobernador Boekhoudt  como invitado special, kende a haci e "kick off" oficial di 2021 pa Aruba Doet. Despues di e discursonan di Sr. Daniel Tecklenborg, S.E. Gobernador Boekhoudt y coordinadora di HGGH Señora Leon, e dia a worde declara oficialmente habri despues cu S.E. Gobernador a planta e prome  mata di Papaya.

   Proyecto Hunto Grandi, Grandi Hunto di FMTB  por wak back riba un otro proyecto exitoso. Nos tur por corda ainda "Desaroyo Continuo y Digital 60+",  cual tabata un proyecto hunto cu nos compania Nacional SETAR. Despues a sigui cu "Un canto den Bario" den temporada di Pasco, hunto cu grupo Nucleo.

   Y asina a yega na turno  e proyecto di Hardineria, cual tambe tabata riba e lista di encuesta. Na e momento nan aki presidente di FMTB Sr. Rudy Leysner y coordinadora di e proyecto HGGH Señora Rosa Leon ta preparando algun programa mas cu lo ta dedica na nos adultonan mayor.

   FMTB kier a gradici Staf, Personal y habitantenan di Cas Shabururi, Projectleider y mentoren nan di Proyecto HGGH, Santa Rosa, Sr Tilo Dabian y Chago Lopez pa nan consehonan pa cu e hofi, Jay's Tire center pa nan donacion di tairanan, 3X heavy Equipment pa transporte,  Fatamorgana, Stone 2 Steel pa e donashon di Gordura, na esnan cu a regala mata y simia,  Aruba Aloë, Romar Trading, Na tur esnan cu a yuda pa nos por a duna nos volunatrio nan un door prizes.

   Na e habitantenan di Cas Shabururi pa sigui cu e irigacion di tur e matanan cu a worde planta. Na cada un cu di un forma of otro forma a duna nan contribucion y /of donacion ta bay un danki di curason. Y last but not least, un danki na tur miembro di prensa cu semper tabata cla pa yuda. Manera ya a bisa anteriormente Proyecto Hunto grandi, Grandi Hunto di FMTB tin mas proyecto na caminda y ta conta riba bo sosten, pa duna nan e cobertura necesario.