Hobennan modelo arubiano haciendo tremendo trabou na Punta Cana Merengue Fashion Week

ORANJESTAD (AAN):  Un grupo di hobennan modelo a haci nan prome desfile durante Eleccion di Miss Ambar Mundial Trahe di Fantasia durante e Punta Cana Merengue Fashion Week na Republica Dominicana.          

            E Modelonan mester a desfila un trahe cocktail Fashion di nan propio gusto. E modelonan a haci un tremendo presentacion y ya a wordo acerca pa designers caminda nan tabata tin e chens pa parti nan prome comp Cards.

            Diabierna mainta nos modelonan a haya un workshop di modelahe for di e organisacion di Punta Cana Merengue Fashion Week.

            Aruba tambe ta conta cu 3 participante pa e Miss Ambar Mundial 2023, di cual 2 ta Modelonan tambe di e school di Moda y Talento The Chaz.

            Ayera diabierna tabata tin otro desfile unda nan a modela pa e designernan internacional.