Hobennan di Islanan ABC a pasa den un tremendo experiencia durante Competencia Internacional Robotic

Jillian Oduber a duna di conoce:

ORANJESTAD (AAN) -- STEM Embassy ta un organizacion cu ta situa na Hulanda, pero e ta consisti di studiantenan y profesionalnan hoben di Aruba, Bonaire y Curacao y nan meta ta pa promove e ramonan di STEM, cu ta Ciencia, Tecnologia, Ingenieria, y Matematica, na e Islanan ABC.

Asina Jillian Oduber a indica den entrevista cu DIARIO. “Nos ta haci esey door di organiza tayernan di trabao, y eventonan pa e hobennan na e islanan aki. E aña aki nos a haya oportunidad di bay un competencia internacional di robotic, cu e prome team di Aruba, anto esey ta e “First Global Challenge”. Eigenlijk, First ta un organizacion Mericano cu tambe tin e mesun meta cu nos y nan ta haciendo esaki pa hopi aña caba, anto esaki ta e prome biaha cu Aruba ta participa, den e competencia aki”, Jillian Oduber a relata.

El a agrega cu esaki tabata un hopi bon experiencia, hopi profesional organiza, manera e Olympics di Robotics, pa hoben.

“Tabata tin 191 pais cu a participa, y asina mes e hobennan a haya un experiencia super internacional. E idea di e competencia ta pa siña hobennan coopera rond mundo, y tambe un programa cu nos tin mundial y esey ta di ‘Globo warning’, Jillian a menciona.