ORANJESTAD (AAN): Siman pasa riba Dia di Rey, na momento cu fotografo di DIARIO tabata na Centro di Bario Playa Pabao, a tuma nota di algo hopi atractivo.
Un hobencito a mustra fotografo di DIARIO, su Fli cu cual el a competi cune den e tradicional competencia di Fli riba Dia di Rey.
E competencia a cuminsa Dia di Rey mainta pa 9’or, y henter dia a competi den 3 categoria: Categoria A di 50 cm te 100 cm. Categoria B di 101 cm te 150 cm. Categoria C di 151 cm te 200 cm.
E hobencito a mustra su Fli hopi bunita traha mes, comosifuera e ta Rey mes bisti den su trahe real cu su cara feliz, y bunita acaba. Sigur e tabata un fabuloso creatividad.
