Hobencitanan cu a representa Aruba den evento di talento y beyeza ta bek cu y contento di nan logronan

ORANJESTAD (AAN):   E grupo di muchanan di 'The Chaz Modeling and Talent School' cu a bay representa Aruba tremendamente na Republica Dominicana recientemente a regresa Aruba.

Nan a wordo recibi na aeropuerto door di famia y siguidornan.

            Ta trata di 4 hoben cu a representa Aruba den e evento internacional Festival del Talento y la Belleza Internacional 2022  'Agnes Universe'. Nan a logra bin cu 2 prome finalista, cu 'Miss Tropical International' y tambe cu 'Little Beautiful of the World' cu tabata titulonan maximo den e evento aki. Tambe a gana premio maximo pa 3 trahe tipico.

            Aruba a haci un tremendo trabao y hopi di e muchanan aki a haya oportunidadnan internacional pa sigui modela na entre otro New York. Tin hopi proyecto na caminda pa e muchanan di Aruba.

            Tabata un preparacion di varios luna y basta pisa di lanta mainta tempran y bay drumi casi 12or di anochi. Tabata un disciplina cu nan mester a cumpli cu ne durante henter un dia, durante 7 dia, Aasina Chastity Kock, directora di e organisacion a duna di conoce.

            Masha pabien na Tanique Chan,  Annabell Bislip, Thaheeli Geerman y Maya Gordon pa e tremendo trabao realisa na Republica Dominicana.