Hoben Liselotte van Doorn a representa Aruba den competencia di ballet na New York

El a gana Brons y diferente premio

ORANJESTAD (AAN):  Durante e siman cu a pasa, e hoben Liselotte van Doorn a representa Aruba den un competencia di ballet na New York.

            Liselotte a participa den 4 baile individual y a gana Brons pa e baile “Lilac Fairy’!

E premionan adicional cu Liselotte a gana ta:

Full Scholarship: 1 siman Bordeaux y 1 siman Nice, Frankrijk ,

50% scholarship yearround program Paris Ballet na Palm Beach Florida

50% scholarship competitie na Belgica na 2024!

            Liselotte tin un trayectoria di baile di ballet di 15 aña y cu e edad di 6 aña caba, el a cuminsa na Kozlov Dance Academy y actualmente ta bou guia di su coach, balletmeester y mentor sr. Leonid Kozlov.

            Departamento di Cultura Aruba  kier felicita Liselotte pa e gran logro aki y ta desea Liselotte hopi exito den e siguiente competencianan y su carera profesional di ballet. Masha pabien!!!