Hoben Dominicano a perfora su mesun cabez cu un clabo

PUERTO PLATA: Autoridadnan a haya sa di un caso lamentable, unda un persona mes na un forma of otro a logra di perfora su mesun cabez cu un clabo.

   Aunke personal medico a haci hopi intento, toch e informe a drenta den fin di siman cu e hoben Natanael Garcia a fayece.

   Natanael ta un hoben cu pa gran parti di su bida tabatin problema mental, y tabata usa droga tambe.  Diripiente el a sinti cu su “cerebro ta hopi floho”, y pesey el a dicidi na perfora su cabez cu un clabo.  El a haci esey mientras e tabata bao di influencia di susbtancia.

   Nan a transporte cu urgencia, y el a wordo wordo atendi na Hospital na Puerto Plata.  Un pida di e cabez di clabo so a keda pafo di su craneo.  Na Hospital a saca X-Ray potret di su cabez, asina  mira cu e pida cu a bay paden di su cerebro a keda intacto y keda straight.

   Despues nan a pase pa un Centro Medico na Santiago pa asina trata na haci mas intento pa stabiliza su curpa.  Pero no por a haci mucho mas pe, y el a fayece den fin di siman.