ORANJESTAD (AAN): Den nomber di pastor di Parokia Santa Anna, Comision di Santana Noord ta invita parokianonan di Noord
y becindario pa asisti diamars dia 2 di November, Dia di Tur Defunto, pa 5:45 di atardi (cuarto pa seis di atardi) na e resamento di Santo Rosario den santana di Noord.
Tambe ta anuncia cu santana lo ta habri henter dia desde diasabra 30 di October te cu diaranson dia 3 di November proximo pa famia por drecha e grafnan di nan sernan keri cu a bay sosega. Pafo di santana tin un baki special pa tira desperdicio aden.
Den e grafkapel den santana lo tin bela chikito cu parokianonan por cende pa descanso di alma di nan defuntonan.
Corda di pasa un rato pa recorda y resa pa alma di nos sernan keri cu a bay nos dilanti. Comision di Santana Noord ta gradici tur esnan cu ta coopera pa yuda tene santana limpi.
Den nomber di Comision Santana Noord
