- E meta: contribui na un mundo mas husto, sostenible y pacifico
ORANJESTAD (AAN) Henter mundo ta conmemora cada 5 di Abril tur aña, e “Dia Internacional di Consenshi”. E conmemoracion aki a wordo estableci pa e Asamblea General di Nacionnan Uni na aña 2007, cu e meta di hala atencion tocante e tema di husticia social, e derechonan humano, medio ambiente, y paz mundial.
Un relato di Organizacion di Nacionnan Uni (ONU) ta indica cu den e era actual, marca pa crisis sanitario, desigualdad economico y tensionnan geopolitico, e importancia di e consenshi global nunca a bira mas evidente.
E dia 5 di April, ta un recordatorio tocante e necesidad di reflexiona riba nos impacto den e mundo, y con nos por traha hunto pa aborda e problemanan mas apremiante di e era aki.
Estableci door di e Asamblea General di Nacionnan Uni na 2007, e dia aki ta invita tur individuo, comunidad y gobiernonan pa considera con por contribui na logra un mundo mas husto, sostenible y pacifico.
For di e proteccion di medio ambiente te e lucha contra discriminacion y e promocion di igualdad di genero, e consenshi ta spierta e solidaridad y compromiso cu e cambio positivo.
Den e aña den curso, e Dia Internacional di Consenshi ta adkiri un importancia ainda mayor. E pandemia di Covid-19 a pone di relieve e desigualdadnan existente den e sociedad, aumentando e disparidad economico y social den henter mundo. Ademas, e cambio climatico ta continua menazando nos planeta, mientras cu conflictonan y tensionnan politico ta persisti den diverso region.
No obstante, meymey di e desafionan aki, tambe ta surgi oportunidadnan pa progreso. E crisis global a evidencia e importancia di e solidaridad internacional y e cooperacion entre e nacionnan. Desde e distribucion ekitativo di vacunanan te e promocion di politicanan inclusivo, tin un impulso renova pa aborda e raiznan di e problemanan cu nos ta confronta como sociedad global.
Den ultimo instancia, e Dia Internacional di e Consenshi ta recorda nos cu cada un di nos tin un papel pa desempeña den e construccion di un mundo miho. Ya sea pa medio di accionnan chikito den nos comunidad of pa medio di apoyo y iniciativanan na gran escala, nos tur por contribui pa haci di e mundo aki un luga mas husto, pacifico y sostenible!
