Haya sa ora un voto ta valido y invalido

Conseho Electoral Aruba

ORANJESTAD (AAN):  Aruba ta na caminda pa Eleccion, diabierna 6 di December 2024 y ta crucial pa informa e comunidad e importancia pa eherce nan derecho di voto na e manera corecto door di vota segun Articulo 61 di e Ordenansa Electoral.

            Conforme Articulo 61 di Ordenansa Electoral un voto ta VALIDO si:

-  E stembiljet tin 1 ronchi yena na cora

- Pero e siguiente agregacionnan tambe ta wordo considera valido ○ punt, strepi, krabbel, vink, cruz of vlek di e potlood cora den e ronchi

Conforme Articulo 76 di Ordenansa Electoral un voto ta INVALIDO si:

- Stembiljet no ta oficial: cualkier stembiljet cu no ta parti di e material oficial (p.e.

Specimen etc.)

- Stembiljet blanco: stembiljet cu niun ronchi a wordo yena cora

- Mas cu un ronchi: stembiljet cu tin mas cu 1 ronchi cu a wordo yena cora

- Uso di otro material: stembiljet cu e ronchi no a wordo yena cu e potlood cora (p.e. pen

blauw)

- Indicacion Personal: stembiljet cu cualkier remarke of indicacion di e votado

- Firma oficial: stembiljet cu no tin e firma oficial di e presidente di e Conseho Electoral

            Si un votado ripara cu ela haci un fout mientras e ta votando, e mester avisa e Presidente di e

urna di e situacion y e votado lo ricibi e oportunidad pa vota di nobo. Esaki por sosode

solamente 1 biaha pa cada votado. 

Nota Importante

Conforme Articulo 77 di e Ordenansa Electoral e miembronan di urna ta dicidi riba e validez

di un voto;

- Encaso cu tin empate pa un decision, e Presidente di e urna ta dicidi e validez di e voto

- Votadonan presente na e stem local por haci obhecion contra e decision di e

miembronan di urna y e Presidente di Urna lo haci anotacion di e obhecion den un

proces-verbaal.

            Ta insisti pa votado sigui e reglanan di voto pa garantisa un eleccion husto y transparente,

Bo voto ta importante!