Haya sa kico FADA  tin den e 'Siman di Bisti na Locura' di 29 di October pa 1 di November

*Dia 31 di October ta Dia di Lema

ORANJESTAD (AAN) — Rulienne Arends, Trahado Preventivo di Fundacion Anti Droga Aruba (FADA), a sigui splica tocante e celebracion di Siman di Bisti na Locura, of Siman di Cinta Cora.

El a menciona cu pa loke ta dia 29 di October, cu ta e prome cambio di e aña aki, ta pa bisti un color neon. E por ta cualkier color cu bo ta desea, contal cu ta un neon color.

Dia 30 di October, FADA tey un biaha mas ta pa bista e meanan, cu e aña aki ta un tiki diferente, pasobra e enfoke ta bay riba salud mental, mirando cu uzo di droga/adiccion, por leak na esaki tambe. Pues, un des-balance.

Pues e aña aki FADA ta enfoca riba mea di emotion. Dia 30 di October bo ta bisti mea dorna cu emotion, colorido.

LEMA:“Life is a movie. Film drug free”

“Dia 31 di October ta e dia di nos lema ‘Life is a movie. Film drug free’. E dia aki bo por ‘dress up’ riba bo actor, actriz, cantante faborito; un caracteristica cu bo ta gusta di un pelicula, esaki ta e dia cu bo ta dress up. Y dia 1 di November, cu ta e ultimo dia, bo ta bay decora y bisti bril di solo, pero por ta di bista tambe”, Rulienne Arends a bisa.

El a agrega cu e “Siman di Bisti na Locura” ta enfoca hopi riba creatividad. E no ta un campaña cu e personanan mester saca placa. “No, ban ta creativo, y FADA tin algun ehemplo con bo por ta mas creativo posible. Si bo tin un mea na cas caba, dorna esaki cu diferente emotion, laga e muchanan kleur’ e cu diferente color, si bo tin un bril na cas caba wak cu ki articulo bo tin na cas cu bo por dorna bo bril tambe”, Rulienne a menciona.

CON PA PARTICIPA?

Rulienne a indica cu tin algun aña caba cu participa ta hopi facil. “Bo ta bay riba e website di FADA cu ta www.fada.aw, manera bo habri esaki prome cos cu bo ta topa cu ne ta e poster oficial di Siman pa Bisti na Locura 2024, bo ta click riba dje y e formulario lo bay habri unda bo ta yena tur bo datonan y full abao bo ta upload bo potret. Na e momento aki e team di FADA ta hay’e y nos ta zorg pa e yega na e facebook page. Mescos cu tur aña, nos ta bay tin premio e aña aki, durante e Siman di Bisti na Locura. Mas creativo, mas chens di gana premio. Diferente categoria tambe nos lo tin, y nos ta bay post tur esakinan”, Rulienne Arends, Trahado Preventivo di FADA a relata.