Aruba Excellence Foundation a firma MoU cu Edu Campus

ORANJESTAD (AAN): Aruba Excellence Foundation tabata tin un rueda di prensa pa anuncia e firmamento di un Memorandum of Understanding (MoU) hunto cu Fundacion Edu Campus. 

Esther Broeksema, Directora di AEF, a indica cu un parti importante ta cu nan ta ehecuta e programa di certificacion ACP y ya pa basta tempo caba nan ta sondeando e mihor manera y e mihor colaboracionnan pa inclui e informacionnan di nan programa di certificacion den e curiculum di scolnan, cuminsando for di kleuterschool bay Basisschool como tambe enseñansa secundario.

Ya caba tin colaboracion cu e scolnan secundario, pero tambe cu EPI, Universidad di Aruba.  Broeksema a enfatisa cu Edu Campus ta un plataforma nobo y nan ta ofreciendo un curiculum online y eynan ta bay explora con por colabora cu otro, incluyendo e programa di certificacion den nan curiculum.

Cu esaki ta amplia cu e grupo di ciudadanonan mas jong cu ta wordo certifica y ta embahadornan di Aruba, a bisa.  Sharissa Wever-Croes, program manager, unit elementary & middle A, a duna di conoce cu e ta traha cu e muchanan di 8 aña te cu 13 aña. Nan ta un online (homeschooling) y nan ta guia nan riba e plataforma. Nan ta haya nan lesnan y despues di esey tin un parti asincronisa y sincronisa. Esey kiermen cu ademas cu e mucha ta bezig online, e cu su colega ta encarga cu 'life skills'.

Edgard Croes, Presidente di e Fundacion Edu Campus a agrega cu nan ta un scol online y cu actualmente nan tin un total di 150 studiante. Cu a acuerdo aki, tur mucha cu ta forma parti di Edu Campus ta bay haya e Aruba Heritage Program. A cuminsa cu esunann di derde klas  (9 aña pa 13 aña) y tur mucha cu drenta ta bay sigui hay'e, Wever-Croes. Finalmente a procede na firma e MoU pa oficialisa e acuerdo entre e dos organisacion.