ORANJESTAD (AAN): E dianan aki como cu Crisis Team tin prohibicion keto bay pa Gym habri na Aruba, por a nota cu algun di nan a dicidi na cuminza haci nan ehercicio pafo den aire
libre.
Esaki ta loke DIARIO a topa cune riba Plaza Betico Croes ora cu Sensei Eduardo tabata dunando training di Karate. Haci ehercicio pafo ta mas safe compara cu training paden di un Gym durante e pandemia di Covid-19. Y e hobennan sigur tabata presente pa asina goza di nan lesnan di Karate.
