ORANJESTAD (AAN): Desde cu Gobierno di Aruba a eleva medidanan pa cu mitiga brote di Coronavirus na Aruba,
y a base di e Decreto Ministerial emiti pa asina bin cu medidanan pa Covid-19, e ora Guardacosta di Caribe Hulandes a duna un man y haci extra control riba lama rond di Aruba e dianan aki.
E patruyanan aki ta nabega rond di Aruba pa asina percura pa check cu tur hende ta cumpli cu tur medida y cu orden publico riba lama.
Guardacosta di Caribe Hulandes ta subraya specificamente cu tur medida di Covid-19 di Gobierno di Aruba ta valido riba lama tambe.
Nan ta haci e control no djis riba lama, sino riba e Rifnan tambe. E controlnan pa cu cumplimento di medidanan riba lama y Rif ta pa check si acaso hendenan ta aglomera.
Guardacosta kier pa esnan cu ta haci uso di botonan di placer, y tambe boto di piscador, cu aworaki riba un boto por tin maximo 4 persona abordo. Pa botonan comercial ta conta e regla cu por tin maximo 50% di e capacidad total.
E ley riba prohibicion di alcohol y Toque de Queda entre 10:00 pm y 5:00 am t valido pa botonan riba lama y tambe riba Rifnan. Solamente botonan di piscado cu tin un permiso di pesca, por ta riba lama durante Toque de Queda.
Si acaso abo atene bo mes na e reglanan aki, y bo ta percura pa bo tin tur documento di boto abordo cu bo, lo no tin problema. Tene cuenta cu e medidanan pa cu mitiga brote di Covid-19 tey pa proteha abo mes, y demas hendenan.
