Guardacosta a bay yuda pareha turista cu a snorkel demasiado leu

ORANJESTAD (AAN): Tabata Diasabra mainta, oficialnan riba lama a bin topa cu un situacion inusual.

   Un unidad di Guardacosta di Caribe Hulandes cu tabata pabao di Aruba ta patruyando, diripiente a bin topa cu algun hende ta snorkel.

   E hendenan aki tabata na como 1.5 miya pabao di Malmok, specificamente e area di ‘Tres Trapi’.

   Ora cu a bay check mas cerca, a bin resulta cu e pareha ta un turista.  Ora cu oficialnan di Guardacosta a papia cu nan pa check di con nan ta asina leu di tera, e ora e oficialnan a nota algo.

   Nan a nota cu e turista femenino tabatin dificultad pa sigui landa.

   Pa evita lo peor, e oficialnan di Guardacosta a mara dos Salbabida na un cabuya, y a tira e Salbabidanan aki pa e turistanan.  Nan a wanta na e Salbabidanan aki, y asina cu un velocidad hopi reduci, e boto di Guardacosta a duna nan un cabe’i boto pa hiba nan bek pa Tres Trapi.

   Nan a yega tera back sano y salvo, y tabata hopi agradeci na Guardacosta cu a duna nan un man.