Grupo Scout St. Paulus Michael a celebra dia di San Jorge na forma grandi

ORANJESTAD (AAN): Recientemente e grupo di scout St. Paulus Michael, a celebra e dia di nan patrono San Jorge.

Tabata un tremendo anochi prepara pa e equipo dinamico di lidernan encarga cu nan programa grupal.

    Aki ta unda cu nan a corda y sigui renoba nan promesa constatemente pa nan keda firme den nan conviccionnan y noble den nan actonan.

   Pa nos muchanan y hobennan sigui cu corahe y balentia den bida dilanti manera San Jorge mes haci y pa e ta semper un bon ehempel pa cada un di nos por enfrenta nos bida di tur dia.

    Riba e mesun dia a tuma lugar diferente instalacionnan, tanto di e welpnan y tambe di e verkennernan.

    DIARIO a compronde cu e grupo ta habri pa tuma miembro nobo entre 5 pa 17 aña di edad.   Pa mas informacion por tuma contacto cu nos na: via Facebook: Grupo Scout St. Paulus Michael.