Grupo Scout Oro Ubao Aruba a instala 10 welp

ORANJESTAD (AAN)- Recientemente Grupo Scout Oro Ubao Aruba, seccion Horde (welp) despues di un temporada hopi dificil a logra cu 10 welp a pasa pa e ceremonia di instalacion na Casibari Rock Formation.

  Grupo Scout Oro Ubao Aruba ta sumamente contento cu un grupo grandi a logra instala y ta miembronan oficial di Scouting Aruba y di e organisacion di hubentud mas grandi – World Organization of the Scout Movement – WOSM.

            Esnan cu a keda instala ta Yeavion Figaroa, Mikeyla Croeze, Elaine Caminata, Isabella Hoek, Ayden Anthony, Joell Bonnet, Federiko Wever, Sebastian Wever, Julius Simoons  y Phillip-Johnson Martinus dilanti Akela, Bagheera, Chill, Gl Zinho, Rikki-Tikki-Tavi, HKC Programma Maritza y mayornan y demas famia.

            Un pabien na e hobennan. Scouting ta siña e muchanan disciplina, norma y balor y hopi habilidadnan scout.