Grupo nobo di aspirant a cuminza cu les pa bira Wardacosta

ORANJESTAD (AAN): Den fin di siman a tuma lugar na Base di Marina na Parera na Curaçao,

e prome dia di e aspirantnan nobo pa e Educacion Basico pa Wardacosta (BOK), despues di cuatro siman intensivo di introduccion.

    E 18 aspirantnan aki procedente di Aruba, Curaçao, y St. Maarten hunto tin un solo meta, esta pa nan tin un carera nobo den Wardacosta.

   Durante e recien simannan di introduccion, e hobennan aki pa cuatro siman largo bao guia di nan instructor a sigui lesnan clasico y pasa den diferente sesion pa cera conoci cu otro.  Nan a cana pa varios kilometer, a landa masha hopi mes, nan mes tabata cushina y prepara cuminda, y traha flota pa subi awa cune, y tambe a haci ehercicionan amfibico hunto.

   Durante e marcha di prome dia, e Director di Wardacosta di Caribe Hulandes, esta Frank Boots a duna un discurso cu mensahe dirigi na e aspirant- y nan instructornan.

   Pues awor na ta cuminza cu e modulo di ‘Basis Vaardigheden’ incluyendo Prome Auxilio, habilidad di tiro, cu lo bay dura 8 siman.