ORANJSTAD (AAN): Na Balashi Garden, e asina yama Grupo Melodia a lansa nan produccion cu 8 tema musical pa fin di aña.
Tur presente por a scucha e trayectoria di grupo Melodia cu tambe ta den preparacion cu algun proyecto pa otro aña nan celebra e di tres lustro di e grupo.
Ta di spera cu e grupo por ricibi e sosten di comunidad pa apoya nan den compra di nan produccion pa medio di un USB Memory Stick cu ta obtenibel cerca tur integrante y tambe por deliver esaki mandando un mensahe via WhatsApp na 730-1214 of 567-1664.
Grupo Melodia ta un agrupacion musical manera conoci cu su zonido y character unico, tocando tur typo di genero cu ta trece e variacion asina grandi den su repertorio.
Ya ta pa di 14 aña consecutivo cu nan tin un produccion pa celebra e dushi temporada y mantene nan tradicion, cu nan produccion “Ban Trece Alegria”.
Grupo Melodia tin como cantante Kiziah Trimon, Nicole Dijkhoff, Reechel Fingal, Reanne Ras y Jaylon Machado. E musiconan ta Dido de Cuba (drum), Cassandra Trimon (precuccion), Franklin Richardson (congas), Sherby Olliverre (Timbal), Giovanni Boekhoudt (piano), Jeremy Dijkhoff (Cuarta), Ivan Croes (Baho) y Rubin Ponson (mandolin). Tambe nan kier a gradici esnan cu a yuda den e grabacion cu algun pieza, Jair Boekhoudt (tambora) y T-Drick Boekhoudt (piano). Tur grabacion a tuma lugar den Melodia Studio.
Nan a lansa e gaita “E Charrasca”, tambe un son montuno “Horea ta pa tende”, y nan tema promocional cu ta un gaita/cumbia “Ban Trece Alegria”. Riba nr 4 un cancion merengue “Bo no por keda afo”, sigui pa un wals cu no por faya y dirigi riba nos Pasco “Pesebre en canciones”.
Asina yegando na e dos ultimo temanan di e produccion cu ta un tumba traditional arubiano “Moch’i Pisca” y pa sera e produccion a graba un Parang/calypso “Let it Shine”.
Un produccion asina varia cu cancionnan na spaño, ingles y naturalmente Papiamento den tur e diferente ritmonan y interpretenan di e grupo.
