Grupo di studiantenan di Colegio Arubano a bishita Universiteit di Utrecht

ORANJESTAD (AAN): Manera ta conoci, pa e siman aki di vakantie un grupo di alumno di VWO-5 di Colegio Arubano,

a subi avion rumbo pa Hulanda pa disfruta di nan ‘Viahe di Estudio’.

   E alumnonan ta ricibiendo un monton di informacion riba diferente estudio cu ta wordo ofreci na Hulanda.

   Nan a bishita Universiteit van Utrecht, unda a haya informacionnan hopi practico, y esaki ta sigur un empuhe enorme riba nan auto-estima, cu lo bay yuda nan tuma e escogencianan corecto pa nan estudionan avanza.

   E alumnonan a participa na Aruba den diferente actividad pa recauda fondo, pa asina por a cubri e gastonan di e viahe aki.