Grupo di Harley na Aruba ta rumbo pa Bonaire

ORANJESTAD (AAN); Diferente biker local a acudi na Fast Delivery Company pa asina entrega nan Harley, pa asina esaki wordo manda den container rumbo pa Bonaire.

   Aki algun dia lo tin celebracion di Dia di Bonaire, y lo bay tin diferente Harley Rides rond di e isla di flamingo.  Pa e motibo ey, diferente doño di Harley na Aruba a dicidi na acepta e invitacion, y a manda nan bikes di adelanta pa participa den esaki.

   Riba e potretnan aki por mira momento cu ta haciendo e preparacion pa load e Harleynan.  DIARIO a compronde cu riba Diamars caba, un grupo ta saliendo pa Bonaire pa asina participa den e evento na e isla.