ORANJESTAD (AAN): Dentro di poco, ta bay tin un evento di salud hopi importante organisa door di Departamento di Salud.
Relaciona cu esaki, Dahariana Evertsz, Hefe di e Departamento di Promocion di Salud di DVG a duna di conoce cu e evento 'Promove Salud y Bienestar 2023'.
El a agrega cu tur aña e deseo ta pa organisa esaki tambe cu diferente tema. E aña aki e tema 'Promocion di Salud y actividad fisico na Trabao'. Tin diferente organisacion cu ta bay colabora cu DVG durante e expo aki, entre nan Hospital, SVb, IBiSA, POHnan, FADA.
E biaha aki ta bay tin un conferencia riba diferente topico y expo na mesun momento, Durante di e dia, esta diasabra 23 di September, ta bay tin diferente charla y eventonan pa actividad fisico, a bisa.
E evento lo cuminsa 10 am y lo caba 4 pm na Seaport Convention Center , Evertsz a indica.
