Grupo di Colegio Arubano na Colombia a enfrenta team local di futbol tambe

ORANJESTAD (AAN): E viahe di e alumnonan di HAVO-4 y tambe VWO-4 na Colombia, tabata uno cu nan a encanta totalmente,

pa haya sa mas di e parti di cultura, agricultura, educacion, y hasta deporte.

   E alumnonan a pasa den un encuentro cultural hopi educativo den e bario di La Ferro.  E bario aki ta conoci pa su muralnan colorido cu ta decora e bario completamente.

   Ademas di esey, e alumnonan di Aruba a bay admira y ricibi presentacion di artistanan local cu a splica algo di nan tecnica cu ta wordo usa.

   Despues di almuerso, nan a bishita e conocido Termales di Santa Rosa de Cabal.  Tambe e alumnonan a haya chens di participa na un wega di futbol amistoso, competiendo cu e hobennan local na Colombia.