Esaki ta un mochi di pisca ‘Bastobers’

ORANJESTAD (AAN): Recientemente a tuma nota cu esnan di Fundacion Centro di Pesca Hadicurari a haci e pregunta na varios persona,

pa haya sa si acaso nan sa ta mochi di cua pisca esaki ta, pues su nomber na Papiamento.

   A resulta cu e mochi aki ta di e pisca conoci como ‘Bastobers’.  Na ingles e ta conoci como ‘Dog Snapper’, y su nomber cientifico ta ‘Lutjanus jocu’.

   Manera e nomber na ingles ta indica, e ta parti di e famia di Snapper (cu na Papiamento ta e famia di Pargo).

   E nomber na papiamento ta deriva for di bastardisacion di Hulandes di Basterd Bers, un pisca conoci na Hulanda.

   Pero tuma bon nota, cu e pisca Bastobers, aunke hopi parecido, ta otro cu bers.  Nan ta 2 pisca diferente.