Grupo di Aruba a bay participa na Olimpiada pa nos Grandinan na Bonaire

ORANJESTAD (AAN): E grupo conoci como ‘Flor di Aloë’ riba Diabierna a subi avion rumbo pa participa den gran evento na isla di Bonaire.

   E grupo aki lo bay representa Aruba den e Olimpiada pa nos Grandinan

   Ministerio di Deporte, hunto cu pueblo ta deseando Grupo Flor di Aloë tur clase di exito durante e Olimpiada cu lo tuma luga awe Diasabra na Kompleho Deportivo Jorge Nicolaas na e isla di Flamingo.

   Un biaha mas Indebon (Instituto pa Deporte Bonaire) ta organizando e Olimpiada pa nos Grandinan.  Diferente grupo di Bonaire ta participando, y awor tin “Flor di Aloe” di Aruba tambe.  Sigur e grupo aki lo representa Aruba y nos grandinan cu hopi dedicacion, y energia deportivo.