Grupo di 22 militar di Caribe Hulandes a participa den Vierdaagse di Nijmegen

ORANJESTAD (AAN): Siman pasa, un grupo di 22 militar procedente di Caribe Hulandes, a participa na Hulanda den e caminata maratonico conoci como ‘Nijmeegse Vierdaagse’.

   Pa cuatro dia largo, nan a cana cada dia 40 kilometer, cu equipahe riba nan curpa cu a pisa 10 kilo extra.  Prome cu nan a haci esaki, nan a haci algun ehercicio fuerte riba ruta similar.  Despues di hopi marcha di ehercicio tras di lomba, nan a sali rumbo pa Hulanda y a logra un bon prestacion.

   E militarnan di Caribe a ricibi, ademas di e medaya cu nan a finaliza e Vierdaagse aki, a haya un premio pa e grupo cu e.o. tabata esun mas disciplina, y cu a domina e habilidad di marcha di lo mihor.  Sigur tur nan amigonan bek den Caribe ta contento cu nan logro.