Gran personahe di Carnaval na San Nicolas a fayece

ORANJESTAD (AAN): Den fin di siman, e noticia tristo a drenta cu e persona conoci como ‘Chief Brown’, esta Errol Brown, a fayece.  E ta e persona cu pa hopi aña tabata

traha cu Fire Department na e refineria, y for di tempo di Coastal Carnaval Group, tabata e cara cu tur hende ta mira riba caya ta coordinando den parada.

   Errol ta un persona cu hopi ciudadano tabata admira, pa su forma corecto, su conocemento amplio di sucedidonan den pasado, y fuera di esey tin un sentido di humor hopi yamativo.

   Ademas di su trabao den refineria y tambe e catalizador pa Carnaval, Brown tabata hopi conoci tambe na San Nicolas.  E tabata stima su Chocolate City y cualkier momento cu e haya chens, e ta promove su pueblo y su hendenan cariñoso.

   Na famia di Errol Brown ta bay palabranan di condolencia.