ORANJESTAD (AAN) – Como parti di e vision riba derecho di consumidor, Minister Geoffrey Wever
a duna di conoce cu gobierno a haci un peticion, y ta trahando riba dje, pa bin cu un 'Small Claims Court' (Corte di reclamonan menor), cu ta un caminda cu e consumidor por entrega su keho, y por haya ayudo tambe.
“Pasobra aworaki pa cuminza un caso ta un caminda largo, ta costa bo hopi placa, y ta tarda, y tin necesidad pa tin un caminda mas eficiente cu e consumidor lo por entrega keho y haya, si mester, un veredicto pa dune su derecho, den caso cu e no ta di acuerdo cu e servicio of producto”, Wever a acentua, reiterando cu su ministerio ta trahando riba esey y varios otro punto pa derecho di e consumidor.
