ORANJESTAD (AAN): Educacion ta primordial den e bida di cada cer humano. SKOA ta kere cu educacion ta e yabi pa e mucha descubri su potencial completo y ta habri caminda pa un futuro yena cu posibilidad.
Pesey SKOA ta enfoca ariba e desaroyo y crecemento di cada mucha y ta ofrece un programa di educacion completo y di calidad cu ta enfatisa ariba balornan Catolico, comunicacion na nivel multilingual, diversidad, innovacion y tambe actividadnan extra-curicular. Alumnonan di SKOA por spera di ricibi un educacion completo cu ta preparanan pa nan futuro.
Actualmente SKOA tin su aplicacion habri pa basis y mavo pa e proximo aña escolar. Esaki ta e oportunidad pa mayornan aplica nan yiunan y join e famia di SKOA pa experiencia kico tur nan por logra.
Aplicacion ta completamente digital: Por aplica via website www.skoa.aw pa asina inscribi completamente online. Por aplica via email na This email address is being protected from spambots. You need JavaScript enabled to view it.. Ora di aplica mester pone bon atencion ariba e documentonan necesario pa asina por cumpli cu e proceso di inscripcion di cada yiu. Pa mayornan cu ya caba tin yiu inscribi na SKOA por haci aplicacion di e yiu cu ta bay cuminsa basis of MAVO via nan systema di SAS.
