Prome Minister Mike Eman:
ORANJESTAD (AAN) Prome Minister señor Mike Eman, den conferencia di prensa, respecto na e situacion entre Venezuela y Merca, a contesta e pregunta ki plan gobierno di Aruba tin, en caso cu algo sosode entre e dos paisnan den conflicto, cu por afecta nos pais door di nos cercania geografico cu Venezuela.
Premier Eman a señala cu Gobierno tin “Plan A, B, C, D y E”, cu tin diferente escenario cu, logicamente nos mester tene na cuenta si algo ta desaroya den e direccion aki y cual ta e casonan cu nos a tuma caba, y esey nos a haci hunto cu ‘Crisis Management Organization Aruba’ (CMO) pero logicamente cu nos team di Veiligheidsdienst cu ta hopi envolvi tambe cu Departamento di Relacionnan Exterior” , Prome Mandatario a splica.
El a agrega cu algun siman pasa gobierno a pidi e Director di Relacionnan Exterior di Hulanda, un fortificacion pa e preparacionnan cu Gobierno ta haci di diferente escenario. Poco dia pasa, hunto cu e Consehero General di Algemene Zaken señor Robert Candelaria.
“Nos a hiba un combersacion cu Relacionnan di Reino presente cerca nos, pa por a haya nan reaccion riba nos peticion, y nan reaccion tabata positivo, y nan a tuma un inventario den e reunion cu nos tabata tin, na unda nos kier mira e fortificacion. Pa medio di un carta nos a confirma e peticion aki, y ya e liñanan ta habri unda nos ta wordo asesora tambe. Di parti di Reino Hulandes, tin tur e preparacionnan cu nos tin cu haci, kiermen, esey ta canando manera mester ta’, Minister Presidente a subraya.
