Señor Diego de Cuba di STA:
ORANJESTAD (AAN): Sindicato di Trahadonan di Aruba (STA) recientemente a reuni cu Minister Wendrick Cicilia riba diferente topico. Un topico cu a trata ta pensioen pa empleadonan di aeropuerto. Den entrevista recien cu DIARIO, Presidente di STA, señor Diego de Cuba a remarca cu un motibo pa cua el a wordo kita for di su funccion na aeropuerto tabata pasobra e tabata bringa pa logra e derecho aki pa e clase trahador pa mas di 20 aña.
Den reunion cu Minister Cicilia, STA a splic’e e deseo di mayoria di e trahadornan pa resorta bou di e fondo di pension di APFA. APFA, de Cuba a enfatisa, ta miho, mas fuerte y sigur pa e trahadornan.
Segun de Cuba a remarca, STA a sinti e positivismo di e minister den esaki. Y awor ta keda na STA pa empleadonan pa un biaha mas encamina e proceso pa colecciona mayoria di e firmanan di trahadornan cu ta para tras di e cambio aki.
“STA ya caba ta trahado riba un comision pa cuminsa tempran riba esaki pa asina logra pa empleadonan aki pronto por tin e beneficionnan di APFA cu ta hopi miho di locual nan tin actualmente”, segun señor Diego de Cuba.
