ORANJESTAD (AAN): Consulado General di Merca na Corsou, den coordinacion cu Ministerio di Enseñansa di Corsou y e Centro pa Innovacion y Guia Educacional (SIGE),
a haci un donacion di articulonan di scol esencial na famianan rond di e isla prome cu e aña academico benidero. Administra pa oficialnan di Ministerio di Educacion y SIGE, y tambe Oficial di Enlace Militar.,Capitan Cortland Perkins, e iniciativa di $25,000 a wordo financia a traves di un donacion di U.S. Southern Command.
Consul General Ramon (Chico) Negron, Minister di Enseñansa Sithree van Heydoorn, y Director di SIGE Solange Olaria a lansa e esfuerso dia 3 di augustus. E iniciativa lo entrega mas cu 700 tas cu articulonan di scol na studiantenan y famianan den necesidad. Boluntarionan di Consulado y militar di Merca lo traha den ekiponan coordina hunto cu oficialnan di SIGE, cu lo sigui e progreso di distribucion diario pa garantisa un proceso eficiente y ekitativo.
E ekiponan di boluntario lo entrega e suministronan na 35 scol y instituto educativo y na aproximadamente 70 famia individual rond di e isla, garantisando cu e suministronan ta yega na studiantenan prome cu scol cuminsa.
“E iniciativa aki ta refleha e compromiso continuo di e Consulado pa fortalece lasonan entre hende y sostene oportunidad educativo pa hubentud na Corsou. Ademas, e ta reforsa e partnership fuerte entre Merca, Gobierno di Corsou, y comunidadnan local,” asina C. G. Negron a bisa.
Consulado General di Merca na Corsou ta gradici Ministerio di Enseñansa, SIGE, U.S. Southern Command, y tur institucion participante pa nan colaboracion den haci e iniciativa aki posibel.
