Tienda di Educacion cu splicacion
ORANJESTAD (AAN): Siman pasa ya caba DIARIO a trece dilanti e aspecto di ‘Structura’, splica door di Tienda di Educacion na Aruba. Ta importante pa splica den e epoca moderno aki, e motibo pa cual muchanan mester di ‘Structura’.
Un aña escolar exitoso ta cuminsa prome cu muchanan cuminsa scol. Un Structura cla, reglanan simpel y rutinanan regular ta yuda muchanan comprende kico ta spera di nan. Nan por yuda baha stress stimula independencia y haci transicionnan mas facil.
Ata aki loke Structura significa pa un mucha: (*) Structura ta significa crea un ambiente unda un mucha sa kico ta bai pasa y kico ta spera di dje. (*) Structura no ta significa controla tur momento di e dia di un mucha.
Un bon structura ta duna muchanan guia, pero tambe ta laga espacio pa nan haci escogencia, siña responsabilidad y bira mas independiente. Ora un mucha sa kico ta speranan, nan por sinti nan mes mas sigur, mas trankil y mas prepara pa participa. Esaki specialmente ora scol ta bai cuminsa atrobe.
Un rutina por haci e transicion hopi mas facil.
